یاتمیشام آمما اویانا بیلمیرَم

دؤزیولو،دؤز رسمی قانا بیلمیرَم

ائیله میشَم یوزمیلیار اختلاس

آخ! نَه دَن دیر اوتانا بیلمیرَم ؟

دوشدو دولو باشیما هی پول یاغیر

بیر چالادا دالدالانا بیلمیرَم !

قوزامیشام سئل گئتیرَن پوللاری

آمبارین آلتیندا سانا بیلمیرَم !

عقد ائدیرم قحبه، دول آروادلاری

قیزلارین عشقیندَه یانا بیلمیرَم !

من گئدیرَم «روسیه» دَه کئف چکیم

یوخسول آدام گلدی جانا؟بیلمیرَم

ایستَه ییرم «رَم»،«کانادا»یا گئدیم

پیس دی بو کشور دایانا بیلمیرَم

مملکتین یوللاری لاپ اگری دی

داغلاری داغ دی دولانا بیلمیرَم

ایشلری ناقص دی، یالان سؤزلری

دؤندو بو میللت یالانا؟بیلمیرَم !

قورخوجو،سون سوزدو قارانلیقللارا

باز ایشیق ؟ آی جالانا؟بیلمیرَم !

قحبه فلک قدریمیزی بیلمَه دی

ائششگی ساتدی پالانا؟بیلمیرَم

یاندیر ای«حاجی حسن» درد،اختلاسی ریشه دن 

یانماسا چوخ گؤزله« قانون اساسی»ریشه دن

وئرمَه سَن بیر آن آمان بو مملکت ده«بید» لره

داش اوره گ اول،سال آیاغ آلتیندا«ساسی»ریشه دن

قوی بیرآز راحت دولانسین آی کیشی ارکک – دیشی

سالما آمما کؤینگی،شورتو،لباسی ریشه دن

گر یئرینده من اولام خوار ائیله رم یالتاقلاری

بمبیلان محوائیله رم تئز التماسی ریشه دن

گؤزله سو قطع اولماسین ساحیلده،یانقین دریادا 

یانماسین بیر دفعه «غسل ارتماسی»ریشه دن

بو اِئوه اوغرو گلیب،دوت بوغ،بو تولکو اوغرونو

چون آپاردی خالچانی،یاسدیق،پلاسی ریشه دن

کسب زر و سیم،سعادت ائیله

اوغرولوغو بی نهایت ائیله!

پول قووزا ولیک خلق ایچینده

هی اوغرولاری شماتت ائیله!

هی زرزر اوشاق قازانما جانیم!

بیر ثانیه استراحت ائیله!

بس دیر دای اوتان،جماعدان ال چک

گل گئت نمازین  جماعت ائیله!

قانون یازان ای موجّه اینسان

قانونو بیر آز رعایت ائیله!

آی آج آدام،آی بئلی بوکولموش!

اؤیرنجیلری هدایت ائیله!

گئت داغلارا آجلیغین الیندن

باش چال داشا هی شیکایت ائیله!

ائششک آدامی گؤرنده  تعظیم

عرض ادب و ارادت ائیله !

گؤجلو دئییل  آمما ای اوخوجو

بوشعری اوخو روایت ائیله !!

آج قالیب بس کی اوشاق ونگ ویریر وق وق وق !
آناسی باشینا کفگیری چالیر شق شق شق!

سوء تغذیّه توتوب بو قوجامان جامعه میز!
سسلنیر دیشلری هم قیچلاری هی لق لق لق!

چالما مظلوم آدامین بارماقوویلان قاپی سین
قاپیوی چالمیا تا چکّش ایلن تق تق تق!

او کی آللّاهیمیزا ذرّه جه ایمان یوخودور
خلق ایچینده هامی یئرده جیغیریر حق حق حق

نر گویرچین دئدی ویران یووا دا ماده سینه:
«سنی چوخ ایسته ییرم باور ائله بق بق بق

باها لیق ائتدی منی لال، تشککور ائدیرم !
نه پولوم وار نه ده بیر مال تشککور ائدیرم !

«مش حسن» آروادینا جمعه یاتان واختدا دئدی:
«سَندن ای بال دوداقی بال ،تشککورائدیرم»!

دیشسیز آروادینی آلدی قوجاقا،تولکو کیشی
سؤیلَدی:«آی قوجا چاققال تشککور ائدیرم»!

اَرینه یازدی:«بیر اویناشلی قادین،یاندیر ما
منی اؤلدور، قویویا سال تشککورائدیرم»!

ئیرمی ایل درس اوخودون دکترا آلدین،سونرا
اولمیسان سنده قارا مال تشککورائدیرم !

گئتدی آمریکایا قزوینلی گلن واختا دئدی :
«دییه بیلمم آدین،از«دال»تشککور ائدیرم»!

«رمضان» گئتدی،داها گئچدی قارین سسلنمگ !
سندن ای «اوّلِ شوّال» تشککور ائدیرم !

«رجب جعفری زاویه» تا من دیریم !
سندن ای «شاعر خلخال» تشککور ائدیرم !

سن دوزلتدین هامی یانلیشلاریمی شعریمده
نوکرم من سنه،ساغ قال،تشککورائدیرم !

دوبیت زیرهم از مرحوم  استاد رجب  جعفری  زاویه :

قـارداشـیـم ،جعفریـم،عالم شعر ایچره سنی
بیـلـیـرم زیـروه ده قـارتـال،تـشـکـکـور ائـدیـرم !

شرح و بسطیله ده یؤخ ؛ بو ایکی بیتیله داداش
تـکـجـه با صوـرت اجـمـال،تـشـکـکـور ائـدیـرم !

جاوان؛قاری؛قۏجانی سئل آپاردی!
دَرَه؛تپّه؛اۇجانی سئل آپاردی !

چراغیلان داها آختارما انسان !
تاپیلماز آی فلانی؛سئل آپاردی !

دئدی تلویزیون:«آی آرکاداشلار !
اروپا،آمریکانی سئل آپاردی»!

دولو دۆشدۆ چؤله؛اؤز صیغه سی لَن
بیزیم شیخی؛ژیانی؛سئل آپاردی !

باهالیق سئل کیمین بیر دفعه گلدی !
الی بوش بینوانی سئل آپاردی !

منیم فریادیمی اصلا ائشیتمیر !
مگر گؤیدن خدانی سئل آپاردی؟!!

نه ایمان قالدی بیزلرده نه انصاف !
ایگید هر قهرمانی سئل آپاردی !

سۆده از بس کی سۇ قاتدی؛سۇ ساتدی
داوارایلان چوبانی سئل آپاردی !

‏من ائششگی شیشیلک و کباب ائیله‌دیم، اولدو

سیخدیم اوزومو،شیره،شراب ائیله‌دیم، اولدو

صیغه ائله دی بیر گؤزل آروادی منیم اوچون

سردفتری غرق میِ ناب ائیله‌دیم، اولدو

هی سؤیله‌دیلر کی دئمه هر ناکسه اینسان

اوغرو آداما "آغا"خطاب ائیله‌دیم، اولدو

چون چاتدی ریاست منه لاپ ایشلره سیچدیم

اینسانیت،اخلاقا پئشاب ائیله‌دیم، اولدو

بیر اوغرو قادین سویله‌دی:« قاچدیم وطنیمدَن

آیری یئره و ترک حجاب ائیله‌دیم، اولدو

چونکی الیمه موفته‌،اوغورلوق پولو گلدی

ایچدیم اوزومو مَست و خراب ائیله‌دیم، اولدو

واعظ دئییلم آمما دول آروادلاری گونده

هی عقد ائله‌دیم،صیغه،ثواب ائیله‌دیم، اولدو

چوخ یاوه دئدیم،شاعیر اولوب،شؤهرته چاتدیم

اشعاریمی دیوان و کیتاب ائیله‌دیم، اولدو

دئدی حاجی رمضان«: قیزدئییلم،آروادم

فاش می گوییم و ازگفته  خوددلشادم !

ایندی یَه اولمامیشام پول و مقاما بنده !
بنده ی عشقم وازهردو جهان آزادم !

بیلمیرم سیزمَنَه ای جاهل آداملاربویورون
که دراین دامگه حادثه چون افتادم ؟!

عاشق اولدوم «حَسنین آروادینا» آمما آدی
به هوای سرکوی تو برفت ازیادم !

دونیایا گلمزدیم لاپ باشیما بورک قویدو!
آدم آورد دراین دیر خراب آبادم !

اوره گیم ایسته هر کیمسَه یَه پیس سوز دئییرَم
چه کنم حرف دگر یاد نداد استادم !

الی اگری،کؤپک اوغلو،ایکی اؤزلو،گؤتوبوش!
یارب از مادر گیتی به چه طالع زادم ؟!

تاکی گئتدیم«مشه عباس»گیله ائلچی لیگه
هردَم آید غمی ازنو به مبارکبادم !!

اؤزؤموهی دؤیؤرم،هم اؤزؤموهی سؤیؤرم
که چرا دل به جگرگوشه ی مَردم دادم !

آغلاما« حافظ »وبیرکاسا شراب ایچ،آدام اؤل!
وَرنه این سیل دمادم ببرَد بنیادم !

ای دائِماً در«یان»ِ ما؛همکار بی وجدانِ ما

قاچ گئت بیزه ساری نَیا،چون ییرتیلیب تنبانِ ما !!

ای چشمهایت چون پیشی؛سیندیرمیسان بیزدن دیشی !
آخر نه دن ائششک کیشی؛سن تشنه سن بر قانِ ما ؟!

گفتی:«برس بر دادِ ما؛عرشه چاتیب فریادِ ما 
هی قیشقیریر آروادِ ما؛زیرا سینیب قالخانِ ما»!!

قاش خودش برداشته؛خودرا«قادین»پنداشته ! 
چؤ دوشدو:«پستان کاشته؛آرواد اولوب؛اوغلانِ ما»!

زاهد سنی گؤردوم دونَن؛من در قوجاقِ؛«نسترن»!
بو ایشلری گَل گؤرمه سَن؛بادَه گئدر ایمانِ ما !

آیران ایچینده وارمگس،این را مگو با هیچ کس 
افتاده سوسکی چون عدس،یاخشی پیشیب در نانِ ما !

بیزلر یالانچی،اَیری اَل،مؤمن وَ لیکن مبتذل! 
مارا رها کن ای گؤزل،اولماز داها درمانِ ما !

ای کله ات همچون اینَک!پیش بینی ائتمه گل گئدک ! 
گردیم سبزه یا تَزَه ک!معلوم دئییل پایانِ ما!

رفته یوخاری نرخ ها،اؤلدوردو یاری نرخ ها
یاندیردی آری نرخ ها،بیر منطقه از رانِ ما !

گلدی اِس اِم اِس لَر مَنَه،بؤش خرمن اوستونده یئنه 
گیره دوشوب«خاور ننه»در کابین نیسانِ ما !

دوردی یوخودان «مش صفر»،می گفت گریان و دَمَر:
«ای دزد وجدان سیز نَبَر،یاسدیقیلان یؤرغانِ ما